Ingredientes

• 2 kilos de lumbrigante
• 2 ceboliños
• 1 pemento verde (tipo italiano)
• 2 ovos - 100 gramos de queixo tipo Philadelphia
• 100 gramos de miolo de broa
• 1 escarola
• 1/2 vaso de albariño
• 1/3 de vaso de leite
• Sal, vinagre, aceite de oliva virxe, cebolino e loureiro

Preparación

Primeiro cocemos os lumbrigantes co loureiro. Noutro recipiente, cocemos os ovos. No paso dous, cortamos o pemento, os ceboliños, cebolino e as claras dos ovos en anacos moi pequenos. Reservámolo.

Facemos o aliño da escarola diluíndo o queixo co leite, engadimos o cebolino, unha pisca de ceboliños e unha coller grande de aceite. O miolo de broa ponse a remollo no albariño. Os lubrigantes cocidos descúnchanse, cortando o corpo en medallóns e separamos a carne da cabeza e das pinzas

Nun bowl, mesturamos o cortado (do paso dous), a broa e o caldo e carne da cabeza dos lubrigantes; sazonamos con aceite e vinagre ao gusto. Emplatamos facendo un montado; base con dous medallóns dos lumbrigantes; unha coller grande da mestura do bowl enriba; cubrimos con outros dous medallóns; outra coller de mestura; e rematamos cunha pinza descunchada e enteira.

Acompañamos o plato coa escarola aliñada

Últimas recetas publicadas