Este animal de porte guerreiro é o marisco máis popular na alta cociña clásica. Pode que isto sexa debido á cantidade de carne que posúe, o que faino moi axeitado para servir nas grandes mesas, de coitelo e garfo, xunto co delicado do seu sabor. No mercado existen varias especies de lumbrigantes, sendo a nosa de excelente calidade. O noso é de cor negra azulada, a diferenza do americano que é de tons marróns ou avermellados. A talla mínima permitida é de 25cm desde a punta da cabeza até a cola.

O lumbrigante debe mercarse sempre vivo e con todas as patas e pinzas, especialmente importante este aspecto se vai ir cocido. Polo xeral a femia é mais grande que o macho, pero este adoita ter un sabor máis fino. Se atamos ben o lumbrigante no momento da súa cocción a carne resultará máis untuosa, ainda que xa adiantamos que atalo non é unha tarefa sinxela.

O lumbrigante é un dos mariscos máis versatiles e admite numerosas preparacións: cocido e á prancha son as preparacións clásicas, pero recomendamos investigar e probalo ao forno, napado con coral de seu, en souflé ou con algunha preparación con laranxa, que lle cae moi ben.

Ver as receitas con lumbrigante

Lumbrigante

Últimas receitas publicadas